Þrjár stærstu leitarvélarnar!

Bandaríkin - Fyrirspurnir í leitarvélum í júní 2007

                                            Fjöldi            Hlutfall % 

1. Google Search               3,906,877,000          52.7%

2. Yahoo! Search               1,496,137,000          20.2%

3. MSN/Windows Live Search  985,706,000          13.3%

Source: Nielsen//NetRatings MegaView Search, July 2007

 

Google http://www.google.com/

Það er óhugsandi að gera of mikið úr þeim áhrifum sem Google hefur haft á Internetsamfélagið. Google á upptök sín að rekja til ársins 1996 og byrjaði sem rannsóknarverkefni, tveggja háskólanema frá Stanford háskóla, þeirra Larry Page og Sergey Brin. Árið 1999 flutti fyrirtækið til Palo Alto í Kaliforníu og slóst í hóp hins ört vaxandi hátæknisamfélags í Silicon Valley.

Áður en Google kom til sögunnar studdust leitarvélar, að mestu, við fjölda leitarorða á vefsíðu til að ákvarða mikilvægi leitarorða. Því oftar sem leitarorðin komu fyrir í vefsíðu því hærra skoraði síðan hjá leitarvélum. Eitt vandmál við þess aðferð var, að vefsíður með engu markvissu innihaldi (tómar eða ruglingslegar) gátu skorað hátt einfaldlega með því að endurtaka leitarorðin nógu oft.

Framrás Google var öðruvísi að því leyti að vélin bar saman hvernig vefsíður tengdust hver annarri. Þetta var álitin mun betri aðferð til að ná fram góðum leitarniðurstöðum þar sem stuðst væri við áreiðanlegt mat á vefsíðum.

Köngulær (e.crawlers, spiders) eða vefskriður Google skoða tengla til og frá vefsetri/veffangi (heimasíðu) í þeim tilgangi að meta mikilvægi vefsetursins. Því oftar sem vefsetur A, B og C tengja til (vísa á) vefsetur D því hærra skorar D og því ofar í leitarniðurstöðum leitarvéla birtist D út frá leitarorðunum. Hin stórlega endurbætta aðferð sem Google notar til að raða og flokka vefsíður og hið hreina og fágaða útlit leitarvélarinnar sló strax í gegn hjá notendum Internetsins.

 

Yahoo! http://www.yahoo.com/

Tæknilega séð þá var Yahoo! ekki leitarvél fyrr en árið 2004. Fyrir þann tíma skilaði Yahoo! ekki náttúrulegum leitarniðurstöðum með eigin forriti heldur notuðust við vefskriður annarra leitarvéla. Rétt eins og með Google þá voru það tveir háskólanemar frá Stanford háskóla sem sköpuðu Yahoo! en hún byrjaði tilvist sína sem vefsetraskrá (e. Directory of web sites). Þeir Jerry Yang og David Filo hófu undirbúningsvinnu sína árið 1994 og settu síðan Yahoo! á hlutabréfamarkað tveimur árum síðar.

Árið 2002 byrjaði svo Yahoo! að afla sér ýmissa tækja og búnaðar til að geta hannað og framleitt "alvöru" leitarvél. Í þessum tilgangi keypti Yahoo! m.a. Inktomi sem á þeim tíma hafði hannað fullkomnustu vefskriðurnar (köngulær, e. web crawler).

Jafnvel eftir kaupin á Inktomi hélt Yahoo! áfram að notast við leitarniðurstöður Google, eða allt til ársins 2004. Þetta var einmitt árið sem Yahoo! sameinaði alla sína tækni og þekkingu og bjó til "alvöru" vefskriðuvél (e. crawler-based search engine) sem skilaði náttúrlegum leitarniðurstöðum til Internetsamfélagsins.

 

Live Search (MSN) http://www.live.com/

Ólíkt tveimur stærstu samkeppnisaðilum sínum þá var MSN ekki stofnað af einstaklingum utan viðskipta- og hátæknigeirans. MSN er afsprengi Microsoft og kom á markað árið 1995 á sama tíma og Windows 95. Eins og Yahoo! þá skilaði MSN ekki eigin leitarniðurstöðum heldur fékk þær frá öðrum leitarvélum, eins og Inktomi, eða allt þar til Yahoo! keypti Inktomi 2004.

Upphaflega átti að nota MSN sem Internetþjónustu ISP (Internet Service Provider) og má því segja að MSN hafi átt meiri samleið með America Online en Google og Yahoo! Strax í byrjun urðu vinsældir MSN miklar því notendum var boðið ókeypis tölvupóstsþjónusta (Hotmail), samskiptaforrit og alls kyns önnur vinsæl vefþjónusta sem tengdist Windows stýriskerfinu afar vel.

Árið 2004, þegar MSN hætti að nota Inktomi, hóf fyrirtækið að nota eigin hönnun; splunkunýja vefskriðu sem kölluð var MSNbot. Það var svo árið 2006 sem fyrirtækið endurnýjaði leitarvélina og endurskírði vörumerkið - Windows Live Search. Þó MSN hafi ekki enn gefið upp hvaða breytingar voru gerðar á leitarvélinni þá er samt ljóst að öll víxlverkun og öryggi hefur stórlega aukist, sérstaklega þegar notast er við vafrann frá Microsoft (Internet Explorer).